Portal Forum Galaria Calënder L tëmp

I Jëuni dla Lia da Mont de Gherdëina nvieia duc a unì pea ai 12. y 13.06.2010 al Garda. Pia via veniel n sada, ai 12. de juni dala 9 daduman o dala 2 domesdi da Sëlva dampro ora. Furnon nfin a Arco, ulache se devertiron a jì a crëp, cun la slackline, o fajan juesc al palé. Daldo ve aspieta na blota seira n cumpania cun na boniscima griliata. Durmì uniral puech, ma purempò batons su tenda, per lascé laite la roba. N dumënia biei frësc dal di dant arpizeron la “Cima Capi” fajan la via fiereda “Susatti”. Da to pea iel: n sach a pëil, n madroz de Iso, la marenda per l 2. di, n ciol da jì a crëp, n casco cun HMS carabiner y chiche uel jí a Sportklettern, dëssa to pea la massaria. Pudëis ve lascé scrì sù y paië ite 35,00€ nfin ai 06.06.2010! Tl priesc iel laite: l viac, l post da durmì y la griliata (sënza buandes). Per iscrizions y nfurmazions cherdёde su tl ufize dla Nёus Jёuni Gherdëina al numer 0471 799006 o scrijede a info@njg.it. I jëuni dla lia da Mont de Gherdëina se ncunforta sun vosc uni pea.

Son povester mpue tardif a fé l post, ma magari eis mo ueia y dlaurela (y lerch :-) de uni pea.

Saluc Aaron

Propi bel iel stat. Bel temp y na bela jita. De nuet de ons mpue giatá la jeta. Ma chela a eh me fat bon per sferdé ju mpue dut.

propi bel iel stat!!!